Global Innovation Day 2025: berrikuntza-kasu praktikoak aurkezteko deialdia2025 IRAILA
-
Berrikuntzaren Euskal Agentziak martxan jarri du 2025eko "Zientziatik Berrikuntzara" deialdia. Ezagutza zientifiko eta teknologikoa soluzio erreal bihurtu dituzten proiektuak bilatzeko helburuarekin; produktuen, zerbitzuen, prozesuen edo antolaketa-ereduen bidez balio ukigarria eskaintzen dutenak.
Innobasquek ikerketa eta aplikazio praktikoa uztartzen dituzten esperientziak identifikatu nahi ditu, arreta berezia jarriz heldutasun teknologikoa (TRL 8 maila edo handiagoa) duten kasuetan, ingurune errealetan baliozkotuak eta gizarte-, ekonomia-, ingurumen- edo erakunde-inpaktua dutenak. Lehentasuna izango dute Euskadin garatutako edo lurraldean eragin zuzena duten ekimenek, baldin eta sistema zientifiko-teknologikoaren eta enpresen, administrazioen edo gizarte-erakundeen arteko lankidetza badute. Proposamenak aurkezteko epea 2025eko irailaren 22ra arte egongo da zabalik.
Hautatutako kasuak azaroaren 5ean Donostian ospatuko den Global Innovation Day 2025 programa ofizialaren parte izango dira, eta Innobasqueko plataformetan ikusgarritasuna jasoko dute. Horrez gain, finantzaketa-aukeretara, laguntza teknikora eta lankidetza berrietara sarbidea izango dute.
NOLA BIDALI ZURE KASU PRAKTIKOA?
- 1. Deialdiaren oinarriak deskargatu Innobasqueren webgunetik.
- 2. Dokumentuaren amaieran dagoen inprimakia bete.
- 3. Bidali formularioa posta elektronikoz kasupraktikoak@innobasque.eus helbidera
