Patricia Nagashiro, ilustratzaile zientifikoa eta diseinatzaile grafikoa.
"Zientzia eta natura artearen bidez fusionatzen ahalegintzen naiz, ezagutzak transmititzeko eta kontzientzia pizteko adierazpen bisuala erabiliz".
Patriciak artea eta zientzia uztartzea bere zeinu pertsonal bihurtu du. Hala, bere lanak errekonozimendu handia irabazi du teknika analogikoak eta digitalak konbinatzeko duen gaitasunagatik, zehaztasun zientifikoa sentsibilitate artistikoarekin orekatzen duen estilo bereizgarria lortuz.
Ilustrazio zientifikoa komunikatzeko, hezteko eta kontzientzia sortzeko tresna gisa baliatu izan du, eskolako lehen zirriborroetatik hasi eta bere karrera sendotu arte. Hari horretatik, "Amazónica" bezalako proiektuekin, Patriciak biodibertsitatearen edertasuna transmititu eta haren kontserbazioa sustatu nahi du, naturarekiko konexio sakona eta dibulgazio zientifikoarekiko konpromiso handia erakutsiz.
-
“ Konturatzeko denbora behar izan nuen arren, ilustrazioa beti egon da presente nire bizitzan eta gero nire lanean. Eskolan denbora asko ematen nuen nire lanak ilustrazioekin apaintzen, batez ere gai medikoak edo zoologikoak baziren. Nire jaioterrian arte edo ilustrazio ikasketa espezifikorik ez bazegoen ere, Diseinu Grafikoa ikastea erabaki nuen, nire interesetatik hurbilen zegoena alegia.
Zure profilak diseinu grafikoa eta ilustrazio zientifikoa uztartzen ditu. Nola sortu zitzaizun diziplina horiekiko interesa eta nola integratzen dituzu zure lanean?
¿?
Denborarekin, ilustrazioan sakondu nahi nuela erabaki nuen. EHUn Ilustrazio zientifikoko prestakuntza eskaini zenean, argi izan nuen eta buru-belarri sartu nintzen.
Orain esan dezaket ilustratzailea naizela eta diseinu grafikoa ilustrazioa aplikatzeko tresna gisa erabiltzen dudala, adibidez, infografietan eta argitalpen zientifikoetan. -
Boliviako Amazoniatik zatoz eta 20 urte baino gehiago daramatzazu Euskal Herrian. Nola eragiten dute bi erro horiek zure estiloan eta ikuspegi sortzailean?“ Eragin sakona dute. Amazoniako natura oparoa behin eta berriz islatzen da nire lanetan, eta desberdina bada ere, Euskal Herria landarez betetako lekua da, baina, gainera, ingurumenaz arduratzen da, eta horrek biodibertsitatearen kontserbazioaren aldeko konpromisoa indartzen du.
-
Zure ustez, nola laguntzen dio ilustrazioak arte bisualaren munduari eta zer eragin du egungo gizartean?“ Nire ustez, Ilustrazioa funtsezkoa da ideiak eta mezuak transmititzeko. Arte bisuala baino gehiago da; bisualki komunikatzeko, hezteko eta kontzientziatzeko tresna zehatza da. Egungo gizartean duen garrantzia honetan datza: gai konplexuak ulertzea errazten du, eta, aldi berean, sentimenduak transmititzen ditu, mundu zientifikoarekiko, ikaskuntzarekiko eta ikerketarekiko interesa eta jakin-mina sorrarazten eta motibatzen ditu.
-
Ilustratzaile zientifiko eta diseinatzaile grafiko gisa egiten duzun lanak nortasun propioa du. Nola sortu zen zure marka pertsonala eta zein da bere helburua?“ Nire marka pertsonala hainbat arlotan egin dudan ibilbidearen emaitza da, hala nola publizitatean, argitaletxeen sektorean eta baso-kudeaketan. Esperientzia horiek nire ikuspegia eta estiloa moldatu dituzte. Urteetan zehar, beste marka batzuk bultzatzen saiatu nintzen, emaitzarik gabe. Hala ere, ilustrazio zientifikoko ikasketak amaitu ondoren, prest sentitu nintzen eta helburu argi batekin: naturaren mezua transmititzea, ingurumenari buruz kontzientziatzea eta informazioa artearen bidez zabaltzea.
- “ Gaur egun, nire lanean, "Amazónica" bezalako proiektuekin, gure ingurune naturalaren edertasuna transmititzeaz gain, beste batzuk bere kontserbazioaren inguruan hausnartzera eta ekintzara bultzatuko dituen inpaktua sortzea ere bilatzen dut.
-
Nola integratzen dituzu natura, zientzia eta artea zure lanaren identitatean?“ Natura da nire bizitzaren eta nire lanaren oinarria, gutako bakoitzaren parte baita. Nire ilustrazioen bidez, ikusleak barne-izaera horrekin eta ingurunearekin duten loturarekin konektatzea bilatzen dut. Artaren bidez, zientzia eta natura uztartzen ditut, eta ikusizko adierazpena erabiltzen dut ezagutzak transmititzeko eta kontzientzia pizteko. Zientziaren zehaztasuna eskuragarria eta hurbilekoa bihurtzen da ikuspegi artistikoari esker, kontzeptu konplexuak era intuitiboagoan eta hunkigarriagoan irits daitezen ahalbidetuz.
-
Zeintzuk dira zure marka pertsonalaren funtsezko zutabeak eta zergatik dira garrantzitsuak zuretzat?“ Konpromisoa. Ilustrazio bakoitzarekin, kalitatea islatzea eta nire balioei leial mantentzea bilatzen dut. Kontua ez da irudiak sortzea bakarrik, baizik eta adierazten dudanarekiko mezu sakona eta errespetuzkoa helaraztea.
Sentikortasuna. Nire ilustrazioek mundua ikusteko modua eta zirrarak islatzen dituzte, batez ere naturarekin lotuta, niretzat inspirazio-iturri etengabea baita. Nire artearen bidez, ingurunearekiko lotura intimo hori transmititu nahi dut.
Ahalegina. Egiten dudan lan bakoitza prozesu zehatz, zorrotz eta zaindu baten emaitza da. Ahalegina ezinbestekoa da nire lanaren kalitatea eta benetakotasuna bermatzeko. Ez naiz errazarekin konformatzen; onena eskaintzea bilatzen dut beti.
Naturarekiko lotura. Nire lana ez da iragankorra edo azalekoa. Natura nire musa da, eta bere edertasuna eta konplexutasuna pieza bakoitzean irudikatzen ahalegintzen naiz, harengandik ikasiz eta mirespen hori ilustrazio bakoitzean transmitituz. -
Tu marca personal ha alcanzado reconocimiento en distintos ámbitos. ¿Cómo ha sido el proceso de consolidarte en el sector?“ Consolidar mi marca personal ha sido un viaje de dedicación, aprendizaje y evolución constante. Aunque las redes sociales son importantes, también he construido redes profesionales al integrarme en asociaciones del sector y colaborar con instituciones para dar cursos de formación y ofrecer exposiciones. Mi trabajo ha ganado visibilidad a través de concursos de ilustración nacionales e internacionales, así como mediante colecciones comercializadas en distintos productos. Además, ferias de ilustración como Mazoka han sido un gran escaparate para mi trabajo.
-
Zure marka pertsonalak errekonozimendua lortu du hainbat esparrutan. Nolakoa izan da sektorean sendotzeko prozesua?“ Nire marka pertsonala finkatzeko prozesua etengabeko dedikazio-, ikaskuntza- eta bilakaera-bidaia izan da.
Gaur egun sare sozialak garrantzitsuak diren arren, sare profesionalak ere eraiki ditut, sektoreko elkarteetan integratuz eta erakundeekin lankidetzan arituz, prestakuntza-ikastaroak emateko eta erakusketak eskaintzeko. Nire lanak ikusgarritasuna irabazi du nazioko eta nazioarteko ilustrazio-lehiaketen bidez, bai eta hainbat produktutan merkaturatutako bildumen bidez ere. Horrez gain, Mazoka bezalako ilustrazio azokak nire lanaren erakusleiho izan dira. -
2025ean zein helburu finkatu dituzu zure marka pertsonalerako eta nola planteatzen duzu horiek eskuratzea?“ Erakunde publikoekin ditudan lankidetzak sendotzea eta erakunde pribatuekin akordio berriak lortzea, baita nazioarteko esparruetara iristea ere, nire proiektu pertsonalak atzerrian zabaltzeko. Bestalde, "Amazónica" eta "Fenología" proiektuak zabaldu nahi ditut, 2026rako erakusketetan aurkezteko asmoz. Horrez gain, nire online denda sendotzea eta sustatzea, ilustrazio naturalista eta zientifikoarekin lotutako produktu berriak gehitzeko.
-
Nolakoa izan da hainbat sektoretarako ilustrazio zientifikoak sortzeko eta merkaturatzeko prozesua?“ Atzera begiratzen dut, eta ikusten dut ilustrazio zientifikoan egin ditudan lanak artikulu zientifikoetan agertu direla, aldizkarien azaletan, identifikazio eta marka gisa balio izan dutela kongresuetarako, dibulgazioari laguntzeko eta datuak hartzeko infografiak sortu ditudala, eta ilustrazio naturalista eta zientifikoko lehiaketetan parte hartu dudala.
Baina ez da erraza izan, zientziaren munduarekin nola erlazionatu jakin behar da, ate asko ukitu behar dira, oztopoak gainditu behar dira eta frogatu behar da, ikerketa-proiektuek aurrekontu doituak dituzten arren, zati bat horretara bideratzeak argitasuna ematen duela, ezagutzaren hedapena errazten duela eta emaitzari balio erantsia ematen diola. -
Zein dira zientziaren dibulgazioan eta komunikazioan ilustrazio zientifikoak erabiltzearen onurak?“ Artikulu zientifiko asko beste ikertzaile batzuez osatutako publiko txiki batera besterik ez dira heltzen; uste dut ilustrazio zientifikoek hedadura handitu dezaketela, beste hainbat onuren artean. Adibidez, kontzeptu konplexuei argitasuna ematen diete, informazioa eskuragarriagoa, erakargarriagoa eta gogoratzeko errazagoa egiten dute, eta horrek ezagutzaren transmisioa eta komunikazioaren eraginkortasuna hobetzen ditu. Horregatik, funtsezko tresnatzat jotzen dut, eta hala transmititzen diet nire bezeroei.
-
Zergatik erabaki zenuen BDCCrekin harremanetan jartzea eta lankidetzan aritzea?“ BDCCk eskainitako hitzaldi batzuetan parte hartzeko aukera izan nuen, eta, horri esker, haien egitekoa eta misioa ezagutzen hasi nintzen. Esan dezaket beren lankidetza oso baliagarria izan dela nire proiektua kokatzeko. Hala, aholkularitza eta laguntza jaso dut bide honetan; zalantzarik gabe, bultzada handia izan da nire helburuak lortzeko. Ez da erraza kultura- eta sormen-industrien inguruko enpresentzako laguntza aurkitzea.
-
Zer rol izan du BDCCk markaren bilakaerari dagokionez?“ Berebiziko garrantzia izan du. Beren aholkularitzak nik jarraitu beharreko bidea argitu dit, eta nire jarduera kontrolatzeko tresnak eman dizkit. Nire kontaktu-sarea zabaltzeko, ikusgarritasuna lortzeko eta nire marka pertsonala indartzeko jarraibideak eskainiz, asko lagundu dit.
