KSIGUNE KONEXIOAK TOPAKETAREN BIGARREN EDIZIOA SAN TELMO MUSEOAN
-
Maiatzaren 31n, 10:00etatik 13:00etara, Donostiako San Telmo museoan izango da KSIgune Konexioak topaketaren bigarren edizioa. Euskadiko fakultateei, eskolei eta kultura- eta sormen-erakundeei zuzendutako ekitaldi honen helburu nagusia zentroen eta erakundeen arteko sareen ezagutza eta hedapena sustatzea da, KSIgune Konexioak laugarren deialdian parte har dezaketen ideia bateratuak sortuz.
KSIgune Konexioak programaren deialdiaren helburua Euskal Goi Mailako Hezkuntzaren eta Euskadiko Kultura eta Sormen Sektoreetako Erakundeen arteko ezagutzaren transferentzia sustatzea da, proiektu bateratuen bidez. Proiektu horiek erronka sektorialei heldu behar diete, eta Kultura eta Sormen Industrietako sektore bati edo gehiagori lagundu behar diete. Urtero, Gradu Bukaerako Lanak (GRAL), Master Bukaerako Lanak (MAL), Ikasgai Lanak (IL) eta Ikerketa Taldeen Proiektuak formatuetan aurkezten diren enpresa-proposamenetarako laguntza ekonomikoa eskaintzen da.
2024 honetan, KSIgunek 2024/25 ikasturterako KSIgune Konexioak deialdiaren 4. edizioa jarri du abian, eta lankidetza-proiektuak bi kategoriatan laguntzen ditu: "Prestakuntzarako konexioa" (GRAL, MAL, IL) eta "Eraldaketarako lotura" (ikerketa-proiektuak). Deialdia 2024ko urriaren 18ra arte izanen da zabalik. Deialdi honetan aukera berriak sortuko dira, guztira 40 proiektu baino gehiago dituzten 34 erakundek proposatu eta 622 ikasle aktibatu dituzten kooperazio proiektuak lagunduz.
Aurreko edizioetan, proiektu interesgarriak ezagutzeko aukera izan dugu, besteak beste:
- Itzulpen automatikoan genero-alborapenak saihestera bideratutako hizkerari buruzko ikerketa, sistema automatikoen bidez egindako itzulpenetan genero-alborapena murrizteko irtenbideak aztertzen eta proposatzen dituena.
- INNOVARTE, arte eszenikoen diseinurako eta metodologietarako tresnak erabiltzen dituen berrikuntza-proiektua, etorkizun berriei buruzko proiektuak diseinatzeko parte-hartze prozesuetan konexio eta ikuspegi sistemikoak sortzeko.
