Eusko Jaurlaritzak ikus-entzunezko proiektuetarako diru-laguntza berriak iragarri ditu hainbat kategoriatan
- Eusko Jaurlaritzak finantzaketarako aukera zabalarekin sustatzen du ikus-entzunezkoen sektorea. Diru-laguntzen azken deialdien bidez, proiektu berriak hainbat kategoriatan gauzatzeko aukerak zabaltzen dira. Deialdi honen helburu nagusia ikus-entzunezkoen arloan ekoizpena eta sorkuntza sustatzea da; sortzaileei eta ekoizleei finantza laguntza eskaini euren proiektuak aurrera eraman ditzaten. Diru-laguntza horien bidez, ikus-entzunezko eskaintzaren aniztasuna eta kalitatea sustatzeaz gain, EAEko zinemaren eta telebistaren industria dinamizatu nahi da. Zehazki, 6 diru-laguntza modalitate ireki dira: 1. Sortze-dokumentalak 2. Animaziozko film luzeak. 3. Film laburrak produkzioa. 4. Aurrekontu txikiko fikziozko film luzeak. 5. Euskarazko serieak. 6. Fikziozko film luzeak. Laguntza hauek eskatzeko, interesdunek Eusko Jaurlaritzak ezarritako prozedurari jarraitu beharko diote, hau da, dagokion plataformaren bidez online eskaera bat aurkeztu beharko dute. Garrantzitsua da eskaerak aurkezteko azken egunak kontuan hartzea, baita diru-laguntza kategoria bakoitzerako eskatzen diren baldintza eta agiri guztiak betetzea ere. Iaz, Kultura eta Hizkuntza Politika Sailak 29 proiektu babestu zituen, honela banatuta: fikziozko 5 film luze zinematografiko, animaziozko 2 film luze zinematografiko, sorkuntzako 6 film luze dokumental, aurrekontu txikiko fikziozko 2 film luze zinematografiko eta 14 film labur.
